Лидерски вештини Archives » Academika

SMART РЕГРУТАЦИЈА

Илија Попјанев — Tue, 18 Sep 2018 19:58:41 +0000

Во време кога потребата за таленти е зголемена и кога борбата за привлекување таленти е немилострдна, компаниите се натпреваруваат повеќе од било кога.

Нашиот пристап во организирањето на процесот на регрутирање, интервјуирање и селекција на најдобрите кандидати никогаш не бил толку важен како што е денес.

По успешно завршување на овој тренинг, учесникот ќе може да:

Интервјуира и проценува кандидати за работни позиции според критериуми
Врши ‘скрининг’ на CV-јата на кандидатите со користење на критериуми за селекција за соодветното работно место
Евалуира и групира кандидати според компетенции и
Структурира и организира ефективни интервјуа
Припреми и испорача прецизни прашања и одговори
Се припреми за првата фаза од интервјуто за селекција и да креира вистински прв впечаток, вклученост, ангажман и импресивно искуство на кандидатот
Ги убеди кандидатите дека компанијата е одлично место за работа
Им даде позитивен и конструктивен фидбек на кандидатите
Ефикасно ги планира, сумира и затвори интервјуата

Тренингот е многу интерактивен, преку соодветни вежби постигнуваме искуствено учење на учесниците, ги тераме да размислуваат и да ги извадат сите мисли, идеи, препораки и критики за моменталното работење во секторот за човечки ресурси.

Сите вежби се крајно практични и применливи во пракса, со што учесниците дел од усвоеното знаење веднаш ќе можат да го применат и да очекуваат позитивни резултати.

The post SMART РЕГРУТАЦИЈА appeared first on Academika.

ИНСПИРАТИВНО ЛИДЕРСТВО

Илија Попјанев — Sat, 15 Sep 2018 15:51:04 +0000

ЛИДЕРСТВОТО Е ВЛИЈАНИЕ

Предводењето луѓе во лидерска смисла значи создавање на модел на 
однесување, соработка, комуницирање, па дури и размислување, 
преку личен пример, кој модел вработените треба да го усвојат, 
задржат и развиваат.


Во идеален случај, за личноста да биде ефективен лидер, потребно е да поседува повеќе знаење, 
компетенции, да има поразвиени вештини и повеќе искуство од луѓето со кои раководи. 

Меѓутоа, во денешно време, работното окружување се карактеризира со висок степен на комплексност, 
па така, да се биде подобар во сè од соработниците едноставно не е возможно, а ниту пак неопходно.

Поради тоа, современото лидерство, пред сè, се базира на способноста да се мотивираат вработените, 
како и на способноста континуирано и прогресивно да се активираат потенцијалите на вработените, 
со цел постигнување на високо ниво на продуктивност, прифаќање на организациските вредности, 
тимска работа и ефикасност во работата.

The post ИНСПИРАТИВНО ЛИДЕРСТВО appeared first on Academika.

Управување со промени

admin — Sun, 19 Aug 2018 17:58:58 +0000

Промената повеќе не е избор. Организацијата е свесна за потребата од промена која на ниво на проект е детално испланирана. Менаџерите веќе започнале со извршување и имплементација на промената кога одеднаш:

вработените се изненадени, дезориентирани и шокирани
ја негираат промената и прибегнуваат кон воспоставените рутини
лути се на промената и на оној кој ја воведува
го гледаат само тоа што го изгубиле и се фокусираат на понатамошни загуби
некои од вработените отворено се спротивставуваат и конфронтираат, се обидуваат да се дискредитираат едни со други, претерано ги компликуваат новите начини, одговараат со: „отсекогаш сме го правеле тоа поинаку“, заземаат став „ова нема смисла“, а само мал број се спремни да ги разгледаат и прифатат новите прилики, но сето ова води кон намалена ефикасност и ефективност, што финално резултира со огромни непланирани трошоци.

Успешните организации се свесни за предвидливото влијание на промените врз луѓето и управуваат со процесот на промените на таков начин, кој им помага да ги спречат и отстранат горенаведените отпори на промените. Организациската промена е успешна само кога вработените вистински ја поддржуваат новата бизнис стратегија.

Овој тренинг креира индивидуална свесност и акција за позитивно соочување со промените било да се работи за оној кој ја воведува промената или учествува во истата со својот придонес. Тренингот им овозможува на учесниците да стекнат контрола над промените водејќи ги низ чекорите за ефективно управување со промени и помагајќи им да ги постигнат посакуваните резултати.

Теми на тренингот:

Разбирање на причините за промена и својата лична улога во промената
Организациски отпор кон промените
Индивидуална комфор зона и индивидуални причини за прифаќање или отпор кон промените
Отпор кон промените предизвикан од страв од загуба
Емоционални фази на промените
Индивидуален план за промена и усогласување со организацијата
Модели на промена за разбирање на индивидуалниот и тимскиот одговор на промената
Како успешно се спроведува промената во 8 континуирани чекори
Вештини за справување со промени
Создавање на личен план за одговор на промената

Целна група на овој тренинг се сите менаџери и раководители кои во организацијата или тимот имаат задача да воведат и спроведат промена од било кој вид.

Овој тренинг се состои од низа модули кои содржат теоретска подлога, анализа на случаи, квизови, дискусии, интерактивни индивидуални и групни вежби, како и проектни задачи.

The post Управување со промени appeared first on Academika.

МОТИВАЦИЈА НА ВРАБОТЕНИТЕ

Илија Попјанев — Sun, 19 Aug 2018 16:13:38 +0000

Знаењето како успешно да се мотивираат вработените претставува основната разлика помеѓу менаџерот и лидерот. Предводењето луѓе во лидерска смисла значи создавање на модел на однесување преку личен пример, односно стил на соработка, комуникација и размислување – кој образец на однесување вработените треба да го усвојат, задржат и развиваат.

Во идеален случај, за поединецот да биде ефикасен во мотивирањето на луѓето потребно е да биде компетентен, да има поголемо знаење, поразвиени вештини и поголемо искуство од луѓето што ги раководи. Меѓутоа, денешниот начин на работење се одликува со висок степен на комплексност, па така, да се биде подобар во сè од соработниците едноставно не е возможно, а всушност не е ниту неопходно.

Поради тоа современото лидерство пред сè, се заснова на способноста да се мотивираат соработниците, како и континуирано и прогресивно да се активираат нивните потенцијали за остварување на продуктивност, прифаќање на основните вредности на организацијата, тимска работа и ефикасност.

Теми на тренингот:

Од ентузијазам до прегорување
Теории на Маслов и Херцберг
Алатки за зголемување на мотивацијата на вработените
Подобрување на ангажираноста и посветеноста на вработените
Унапредување на соработката на вертикално и хоризонтално ниво
Оспособување на себе си и другите

По завршувањето на овој тренинг учесниците ќе:

ја развијат вештината потребна за мотивирање на вработените
ја разберат својата улога во подобрување на продуктивноста
избегнуваат грешки кои ги демотивираат вработените
научат практични алатки за зголемување на ангажираноста

Целна група на овој тренинг се манаџери, супервизори и сите вработени кои се наоѓаат на работни позиции што вклучуваат мотивирање на соработниците. Овој тренингот има за цел да ги развие лидерските потенцијали на поединците и да помогне во нивната имплементација и реализација во пракса.

Овој тренинг се состои од низа модули кои содржат теоретска подлога, анализа на случаи, квизови, дискусии, интерактивни индивидуални и групни вежби, како и пишување есеј.

The post МОТИВАЦИЈА НА ВРАБОТЕНИТЕ appeared first on Academika.